არგენტინის ეროვნული ნაკრების და მილანის "ინტერის" ყოფილი ფეხბურთელი ესტებან კამბიასო, კარიერას პრემიერლიგის კლუბ "ლესტერში" გააგრძელებს. აღნიშნული ინფორმაცია ინგლისური გუნდის ოფიციალურმა ვებგვერდმა გაავრცელა.

34 წლის ფეხბურთელმა "ლესტერთან" ერთწლიანი კონტრაქტი გააფორმა და ახალ კლუბში 19-ნომრიანი მაისურით ითამაშებს. პრემიერლიგაში კამბიასო პირველად იასპარეზებს.

მოგეხსენებათ, ესტებან კამბიასო ბოლო 10 სეზონის განმავლობაში მილანის "ინტერის" ღირსება იცავდა. ამ ხნის განმავლობაში არგენტინელმა 427 მატჩი ჩაატარა და 51 გოლთან ერთად 27 საგოლე გადაცემაც მიითვალა.

გიორგი ბალახაძე