“მანჩესტერ სიტის” მცველი მიკა რიჩარდსი “ნიუკასლის” ინტერესთა სფეროში მოექცა.

Goal-ის ინფორმაციით, “კაჭკაჭებმა” “ქალაქელებს” 25 წლის ფეხბურთელის შეძენის წინადადებით უკვე ოფიციალურად მიმართეს. თუმცა, “სიტის” თავკაცებს მათ შეთავაზებაზე ჯერ პასუხი არ გაუციათ.

ზაფხულის სატრანსფერო ფანჯრის გახსნამდე, მანჩესტერელებმა რიჩარდსის ტრანსფერი 15 მილიონ ევროდ შეაფასეს, მაგრამ მთავარი მწვრთნელის ცვლილებამ, კლუბისა და ფეხბურთელის გეგმები შეცვალა და მცველიც გუნდში დარჩა. მიუხედავად ამისა, ის მანუელ პელეგრინის შერჩეულ ძირითად შემადგენლობაში ვერ ხვდება. მიმდინარე სეზონში ინგლისის პრემიერლიგაში ჯერაც არ უთამაშია და კვლავ წასვლაზე დაფიქრდა.  

ხელშეკრულებას, რომლის თანახმად რიჩარდსი “სიტიში” კვირაში 60 ათას გირვანქა სტერლინგს იღებს, ვადა ორი წლის შემდეგ ეწურება.