“მილანის” ლეგენდა ალენსადრო ნესტა მიიჩნევს, რომ “როსონერის” პროგრესისთვის სილვიო ბერლუსკონის მეტი ფულის დახარჯვა მართებს.

“ის, რაც “მილანში” ხდება, პროგნოზირებადი იყო, რადგან გუნდში თაობათა ცვლა მიმდინარეობს.

ბერლუსკონიმ კვლავ სრული დატვირთვით მუშაობა უნდა დაიწყოს. მან საქმეში თავისი შემართება და გამოცდილება უნდა ჩართოს. მაღალი დონის ფეხბურთელების შესაძენად ინვესტიციაა საჭირო.”

“რაც შეეხება იტალიურ ფეხბურთს – ძალიან დამამცირებელია იმის ყურება, რომ გუნდები ჩემპიონთა ლიგას პირველივე ეტაპიდან ეთიშებიან.”

“სერია A-ს “იუვენტუსი” მოიგებს. ტურინელებს ძალიან ძლიერი გუნდი ჰყავთ. “რომა”, “ნაპოლი”, “ინტერი” და “ფიორენტინა” არ დანებდებიან, მაგრამ სკუდეტოს ბედი “იუვენტუსის” ხელშია.” – ციტირებს ნესტას სიტყვებს La Gazzetta dello Sport-ი.