ბრაზილიის ოლიმპიური საფეხბურთო ნაკრების თავკაცმა ალეშანდრე გალომ განაცხადა, რომ 2016 წლის რიო დე ჟანეიროს ოლიმპიურ თამაშებზე ნეიმარის წაყვანას გეგმავს. “სელესაოს” ოლიმპიური ოქრო არასდროს მოუგია და 2016 წელს ამ მიზნის მიღწევას შეეცდებიან.
“საუკეთესო ფეხბურთელებმა ყველა ტურნირზე უნდა ითამაშონ. თუ ნეიმარი არ წამოვა, ბრაზილიის ნაკრებს ოლიმპიადაზე არც მწვრთნელი გაჰყვება”, - განაცხადა გალომ.
არაა გამორიცხული, ნეიმარს ბრაზილიელებმა მომდევნო წელს გასამართ კოპა ამერიკაზე დასვენების საშუალება მისცენ და ტურნირზე არ იახლონ.
