ესპანური მედიის ცნობით, “მანჩესტერ სიტის” თავდამსხმელ ალვარო ნეგრედოს მადრიდის "ატლეტიკოში" გადასვლის სურვილი აქვს.

როგორც ცნობილია, ესპანელ ფეხბურთელს მანუელ პელეგრინისთან ურთიერთობა გაუფუჭდა და კლუბის გამოცვლა სურს.

პრემიელიგის გასულ სეზონში 28 წლის ფეხბურთელმა 32 მატჩი ჩაატარა, აქედან სასტარტო შემადგენლობაში 21-ჯერ მოხვდა, ხოლო 11 შეხვედრაში სათადარიგოთა სკამიდან ჩაერთო.

“მანჩესტერ სიტიმ" ალვარო ნეგრედო გასულ სეზონში "სევილიასგან" 25 მილიონი ევროს სანაცვლოდ შეიძინა. თავდამსხმელს "ქალაქელებთან" კონტრაქტი 2017 წლის ზაფხულამდე აკავშირებს. მადრიდის "ატლეტიკო" ესპანელ ფეხბურთელს დიეგო კოშტას შემცვლელად მოიაზრებს.

გასულ სეზონში ალვარო ნეგრედომ ყველა ტურნირზე 49 შეხვედრა ჩაატარა. ესპანელმა 23 გოლი გაიტანა და 8 საგოლე გადაცემაც შეასრულა.

გიორგი ბალახაძე