“მანჩესტერ სიტის” ნახევარმცველ სამირ ნასრის თქმით, ეჭვობდა, რომ საფრანგეთის ეროვნულ ნაკრებში არ გამოიძახებდნენ, მაგრამ მთავარი მწვრთნელის დიდიე დეშამის გადაწყვეტილებას პატივს სცემს.

“ამისთვის მზად ვიყავი. გარკვეული წინათგრძნობა მქონდა. როდესაც მწვრთნელთან საუბარი გსურს, მაგრამ იგნორირებული ხარ, ეს გარკვეულ აზრებს წარმოშობს. მორალურად უკვე მზად ვარ. რა თქმა უნდა, შოკი მქონდა, მაგრამ ნებისმიერი ინფორმაციის მისაღებად მზად ვიყავი. რა შემიძლია ვთქვა მწვრთნელზე? მის არჩევან პატივს ვცემ. მწვრთნელი ყოველთვის მართალია და ამიტომ, არ ვიკამათებ” – იუწყება ნასრის სიტყვებს Sky Sports-ი.

დეშამმა ნაკრებში ნასრის არგამოძახება იმით ახსნა, რომ ფეხბურთელისთვის თადარიგში ყოფნა ტრაგედიაა. ამის შესახებ მანჩესტერელთა ნახევარმცველმა ასეთი განმარტება გააკეთა:

“ნებისმიერ მოთამაშეს ჰკითხეთ მოსწონს თუ არა სათადარიგოთა სკამზე ჯდომა და ის უარყოფითად გიპასუხებთ. თუ დეშამის მხრიდან ეს ერთადერთი მიზეზია, მაშინ მისი გაგება ძალიან ძნელია. ორი მსოფლიო ჩემპიონატის გამოტოვება ნებისმიერი ფეხბურთელისთვის ტრაგედიაა”.