იტალიური “ნაპოლის” ხელმძღვანელობა მადრიდის “რეალის” მცველის – ალვარო არბელოას შეძენითაა დაინტერესებული. ამის შესახებ იტალიური პრესა იუწყება.

მოგეხსენებათ, ნეაპოლელებს ესპანელი რაფაელ ბენიტესი წვრთნის, რომელიც არბელოასთან ერთად “ლივერპულში” მუშაობდა. 31 წლის ესპანელის ტრანსფერის ინიციატორი სწორედ “ნაპოლის” მთავარი მწვრთნელია. იტალიელები არბელოას 3-წლიან კონტრაქტსა და წლიურ 3 მილიონ ევროს სთავაზობენ.

ცნობისათვის, არბელოას “რეალთან” კონტრაქტი 2016 წლის ივნისამდე აკავშირებს.