იტალიური “ნაპოლის” სამწვრთნელო შტაბი მიმდინარე სატრანსფერო სეზონში ესპანელ ხოსე კალიეხონს არ შეელევა. გარკვეული პრობლემების მიუხედავად, მადრიდის “რეალის” ყოფილი შემტევი ნეაპოლელთა რიგებში რჩება.
“კალიეხონს მოტივაცია აკლდა და ვარჯიშიდანაც ამიტომ დავითხოვე. საერთო ჯამში, ეს მის თამაშზე არ აისახება. კალიეხონი მჭირდება და “ნაპოლიში” დარჩება”, - განაცხადა “ნაპოლის” მთავარმა მწვრთნელმა რაფა ბენიტესმა.
შეგახსენებთ, რომ ბენიტესი არდადეგებიდან დაბრუნებული კალიეხონის სათამაშო ფორმით უკმაყოფილო იყო და ესპანელს გუნდთან ერთად ვარჯიში აუკრძალა.
