“ნაპოლის” პრეზიდენტი აურელიო დე ლაურენტისი ლორენცო ინსინიეს გუნდიდან შესაძლო წასვლის შესახებ კომენტარს აკეთებს და აცხადებს, რომ 23 წლის შემტევი 60-70 მილიონი ევრო ღირს.

გავრცელებული ინფორმაციით, ინსინიეს შეძენის სურვილს ლონდონის “არსენალი” გამოთქვამს, მაგრამ როგორც დე ლაურენტისის სიტყვებიდან ირკვევა, “მეთოფეებს” იტალიელის ხელში ჩაგდება ძალიან გაუჭირდებათ.

“20 მილიონი ინსინიეს სანაცვლოდ? ეს ხომ სასაცილოა. ლორენცო 60-70 მილიონი ღირს.”

დე ლაურენტისი ერიკ ლამელას შესაძლო ყიდვაზეც საუბრობს: “ერიკ ლამელა? მისი ყიდვა ერთი წლის წინათ გვინდოდა. ახლა, ჩვენ საპატა გვყავს, მაგრამ პანდევის შემცვლელს ვეძებთ.”