ახალი საჩოგბურთო სეზონის წინ რეიტინგსიის ლიდერი რაფა ნადალი ამჟამად ჩეხეთის დედაქალაქ პრაღაში იმყოფება, სადაც პოკერის საქველმოქმედო ტურნირში მიიღებს მონაწილეობას. რაფასთან ერთად ბანქოს შეჯიბრებაში სპორტის სხვადასხვა სახეობების ვარსკვლავებიც მიიღებენ მონაწილეობას.

ერთ-ერთი მათგანი ახლო წარსულის ფენომენალური ფეხბურთელი რონალდოა. ნადალმა ბრაზილიელთან ერთად გადაღებული ფოტო საკუთარ “თვითერზე” გამოაქვეყნა და განაცხადა: “ჩემ მეგობარ რონალდოსთან ერთად მომავალი ტურნირის სტრატეგიაზე ბევრი ვისაუბრეთ”.

შეგახსენებთ, მუხლის ტრავმით გამოწვეული ხანგრძლივი პაუზის შემდეგ რაფა ნადალი კორტს მიმდინარე წლის დასაწყისში დაუბრუნდა და მეტად წარმატებულადაც. 27 წლის ესპანელმა სან პაულუს, აკაპულკოს, ინდიან უელსის, ბარსელონას, მადრიდის, რომის, მონრეალის, ცინცინატის ტურნირები, აგრეთვე, საფრანგეთისა და აშშ-ის ღია პირველობები მოიგო.