მსოფლიო რეიტინგსიის მეორე ნომერი რაფა ნადალი ხელის ტრავმით გამოწვეული პაუზის შემდეგ კორტს ყაზახეთის დედაქალაქ ასტანაში დაუბრუნდა. ქვეყნის ეროვნულ საჩოგბურთო ცენტრ “დაულეტში” ნადალი საგამოფენო მატჩში ფრანგ ჟო-ვილფრიდ ცონგას შეხვდა და 6:7, 6:3, 6:4 დაამარცხა. მატჩის მსვლელობისას რაფამ 5 ბრეიკი შეასრულა.
“ყოველი დაბრუნების შემდეგ ჩოგბურთს უფრო მეტი მოტივაციით ვთამაშობ. ამჟამად თავს კარგად ვგრძნობ და ვცდილობ, ხელის დაზიანება დავივიწყო. პეკინსა დაა შანხაიში აუცილებლად ვიასპარეზებ და ყოველმხრივ შევეცდები სეზონი წარმატებულად დავასრულო”, - განაცხადა 28 წლის მალიორკელმა ცონგასთან შეხვედრის დასრულების შემდეგ.
