საქართველოს 19-წლამდელთა ნაკრები, რომელმაც წლეულს ევროპის ჩემპიონატი მოიგო, 2014 წელს ჰონგ კონგში დაგეგმილ მსოფლიოს ახალგაზრდულ ალაფაზე ითამაშებს და ჯგუფურ ეტაპზე მეტოქეებად აშშ, ტონგა და მასპინძელი ჰონგ კონგი ეყოლება.

აღნიშნული ოთხეული A ჯგუფში ითამაშებს, B-ში კი ერთმანეთს კანადა, იაპონია, ურუგვაი და ნამიბია გაეჯიბრებიან. კალენდრის მიხედვით, ჭაბუკი “ბორჯღალოსნები” პირველ ტურში, 7 აპრილს ტონგას ეთამაშებიან, მეორეში – აშშ-ს, მესამეში კი – ჰონგ კონგს.

შეგახსენებთ, რომ ფინალში ჯგუფების საუკეთესონი გავლენ, ტურნირის გამარჯვებული კი 2015 წლის მსოფლიოს ახალგაზრდული ჩემპიონატის საგზურს მიიღებს.

2014 წლის მსოფლიოს ახალგაზრდული ალაფა. 7-19 აპრილი. ჰონგ კონგი

A ჯგუფი: აშშ, ტონგა, საქართველო, ჰონგ კონგი

B ჯგუფი: კანადა, იაპონია, ურუგვაი, ნამიბია

I ტური, 7 აპრილი

იაპონია-ურუგვაი, კანადა-ნამიბია, საქართველო-ტონგა, აშშ-ჰონგ კონგი

II ტური, 11 აპრილი

იაპონია-ნამიბია, საქართველო-აშშ, ტონგა-ჰონგ კონგი, კანადა-ურუგვაი

III ტური, 15 აპრილი

საქართველო-ჰონგ კონგი, აშშ-ტონგა, ურუგვაი-ნამიბია, კანადა-იაპონია

ფინალები. 19 აპრილი

A4 – B4

A3 – B3

A2 – B2

A1 – B1