საფრანგეთის საკალათბურთო ნაკრების წევრი ნანდო დე კოლო 2014 წლის მსოფლიო ჩემპიონატის ფინალურ ეტაპს გამოტოვებს. ფრანგმა მცველმა ტრავმა საკონტროლო მატჩში მიიღო, რომელიც მისმა გუნდმა უკრაინასთან 56:63 წააგო.

აღნიშნულ შეხვედრაში ნანდომ მარცხენა მაჯის მე-4 მეტაკარპალური ძვალი მოიტეხა. თუ ვინ შეცველის დე კოლოს ნაკრებში, უახლოეს პერიოდში გაირკვევა.

შეგახსენებთ, რომ მსოფლიოს ჩემპიონატზე ფრანგთა მეტოქეები ბრაზილია, ეგვიპტე, სერბეთი, ირანი და ესპანეთი იქნებიან.

გასულ ევრობასკეტზე, რომელიც საფრანგეთის ნაკრებისთვის ტრიუმფალური გამოდგა, დე კოლო საშუალოდ 20 წუთში 7.4 ქულას და 2.1 მოხსნას აგროვებდა.