ლონდონის “ჩელსის” თავკაცი ჟოზე მოურინიო მისი გუნდის ესპანელ შემტევზე, ფერნანდო ტორესზე საუბრობს და აცხადებს, რომ მან იცის, როგორ უნდა გამოიყენოს 29 წლის თავდამსხმელი.
“ტორესის საუკეთესო თვისებები ჩემთვის ცნობილია. ვიცი, თამაშის როგორი სტილია საჭირო იმისათვის, რომ ტორესმა მაქსიმალური სარგებელი მოიტანოს.
ეს თავდამსხმელი თავს კომფორტულად მაშინ გრძნობს, როდესაც მას მცველების ზურგს უკან სივრცე აქვს.
როდესაც “ჩელსი” ასე თამაშობს, ტორესი თავის საუკეთესო ფორმაშია. როდესაც დაცვით გუნდს ვეთამაშებით და მცველებს უკან სივრცეები არაა, ფერნანდო სირთულეებს აწყდება.” – აცხადებს ჟოზე მოურინიო.
