შვეიცარიულ “ბაზელთან” საშინაო მარცხის შემდეგ, ლონდონის “ჩელსის” თავკაცმა ჟოზე მოურინიომ ჟურნალისტებისთვის კომენტარი გააკეთა. პორტუგალიელმა მეტოქისადმი საქებარი სიტყვები არ დაიშურა.

“სიმართლე გითხრათ, შოკირებული ნამდვილად არ ვარ. ხანდახან, ყველა აგებს. ყველა მატჩს ვერ მოვიგებთ. ანგარიშით უკმაყოფილო ვარ. ჯგუფიდან გასვლის საკითხი გავირთულეთ, მაგრამ წინ კიდევ 5 ტურია და სიტუაციის გამოსწორებას შევძლებთ. “ბაზელმა” ბრწყინვალე მატჩი ჩაატარა. თამაშს ვაკონტროლებდით, მაგრამ მეტოქე სახიფათო მომენტების შექმნის საშუალებას არ გვაძლევდა. საბოლოოდ, “ბაზელმა” შეცდომებისთვის დაგვსაჯა და იმარჯვა კიდეც”, - ციტირებს მოურინიოს სიტყვებს BBC-ი.

შეგახსენებთ, რომ “ბაზელმა” “ჩელსის” 2:1 მოუგო.