მადრიდის “რეალის” მთავარმა მწვრთნელმა ჟოზე მოურინიომ ესპანურ გამოცემებს დაუდასტურა ინფორმაცია, რომ “სამეფო კლუბის” პრეზიდენტ ფლორენტინო პერესთან მომავალი თანამშრომლობის პერსპექტივაზე დალაპარაკებას აპირებს.
“სეზონის დასრულების შემდეგ ამ თემაზე სასაუბროდ აუცილებლად დავსხდებით. პერესი ჩემთვის არა მარტო პრეზიდენტი, არამედ მეგობარიცაა. მშვიდად დავილაპარაკებთ და საბოლოო გადაწყვეტილებასაც სწრაფად მივიღებთ. ახლა ამ საკითხზე ფიქრის დრო არაა”, – უთხრა პორტუგალიელმა სპეციალისტმა ესპანელ ჟურნალისტს სტამბოლში, ჩემპიონთა ლიგის საპასუხო მეოთხედფინალის დასრულების შემდეგ გამართულ პრესკონფერენციაზე.
