მადრიდის “რეალის” მთავარი მწვრთნელი ჟოზე მოურინიო აცხადებს, რომ მისმა გუნდმა ესპანეთის ჩემპიონის ტიტული “ბარსელონას” ნაადრევად დაუთმო.

“რეალს”, ამჟამად, კარგი დრო უდგას. სამეფო თასის ფინალში გავედით, ჩემპიონთა ლიგის 1/2-ფინალთან ახლოს ვართ. თუმცა, ლა ლიგისთვის ბრძოლაში “ბარსელონასთან” ადრე დავმარცხდით. მაგრამ უნდა გვახსოვდეს, რომ ეს ის ჩემპიონატია, სადაც მსოფლიოს 2 უძლიერესი გუნდი თამაშობს.” – ციტირებს მოურინიოს სიტყვებს Marca.

შეგახსენებთ, რომ პრიმერას დასრულებამდე 8 ტურით ადრე, “ბარსელონა” “რეალს” 13 ქულით უსწრებს, რაც იმას ნიშნავს, რომ კატალონიელებს დარჩენილი შეხვედრებიდან ოთხის მოგება ჩემპიონობისთვის ჰყოფნით.