“ჩელსის” მთავარმა მწვრთნელმა, ჟოზე მოურინიომ, გუნდში სესკ ფარეგასის როლზე ისაუბრა და განაცხადა, რომ მისი სახით, არისტოკრატებმა მსოფლიოს ერთ-ერთი საუკეთესო ფეხბურთელი დაიმატეს.

ლონდონელთა თავკაცის კომენტარს “ჩელსის” ოფიციალური საიტი ავრცელებს:

“ყოველთვის მეგონა, რომ ფაბრეგასი “ბარსელონადან” არსად წავიდოდა, რადგან ის კატალონიელია. ამასთან, ჩავის კარიერა ნელ-ნელა დასასრულს უახლოვდება და ლეგენდარული ნახევარმცველის შემცვლელს სწორედ სესკში ვხედავდი.

მას ძალიან სურდა ინგლისში დაბრუნება და ამით ვისარგებლეთ. იგი უდიდეს კლუბში თამაშობდა, მაგრამ მაინც უნდოდა დაბრუნება. როგორც კი ეს გავიგეთ, მივხვდით რომ ის ჩვენი უნდა ყოფილიყო.

მას როგორც გამთამაშებლად, ისე მეორე თავდამსხმელად შეუძლია თამაში. თუ იგი მე-10 ნომრის პოზიციაზე თამაშობს, მას გოლის გატანა შეუძლია. მე-8-ს პოზიციაზე კი გუნდს სტაბილურობას სძენს. მე მას ყველგან ვხედავ, რადგან იგი უნივერსალური ფეხბურთელია

მისი მთავარი დადებითი თვისება ეპიზოდის სწრაფად და ზუსტად შეფასებაა. სესკს შეუძლია, ერთი გადაცემით თამაშის ბედი გადაწყვიტოს. მას მარტოს შეუძლია თამაში აჩქარება ან შენელება. იგი ძალიან ჭკვიანია. ჩვენს გუნდს ფაბრეგასისნაირი ინტელექტის მქონე ფეხბურთელი ძალიან გამოადგება.” – ამბობს მოურინიუ.

შეგახსენებთ, რომ ფაბრეგასი “ჩელსიში” რამდენიმე კვირის წინ “ბარსელონადან” გადავიდა.

ლევან გოგოტიშვილი