“მონაკომ” თავის “ლუი II”-ის სტადიონზე უბეილო “ტოტენჰემს” ამხანაგურად 5:2 მოუგო. ბეილის მადრიდის “რეალში” გადასვლა-არგადასვლის ამბავი ამ დღეებში წყდება და მან მწვრთნელ ვილაშ-ბოაშს სთხოვა, ლონდონში დაეტოვებინა, რათა შემთხვევითი ტრავმა თავიდან აეცილებინა.

ამასობაში კი, ფრანგულ ელიტაში აღზევებულმა “მონაკომ” შავი დღე აყარა “ტოტენჰემს.” დუბლი მიითვალა მათმა მთავარმა ვარსკვლავმა, მადრიდის “ატლეტიკოდან” 60 მილიონ ევროდ ნაყიდმა, კოლუმბიელმა რადამელ ფალკაომ. თითოც იტალიელმა ანდრეა რაჯიმ, არგენტინელმა ლუკას ოკამპოსმა და მაროკოელმა მუნირ ობადიმ გაიტანეს.

მომავალ კვირას საფრანგეთის ჩემპიონატი იწყება და მონაკოელები პირველ ტურში ქვეყნის თასის მფლობელ “ბორდოს” ეწვევიან.

მონაკო – ტოტენჰემი 5:2 (1:0)

მონაკო: სუბაშიჩი (ტავარეში 46), კარვალიო (იზიმატ-მირინი 46), აბიდალი, კურზავა (ტისერანი 46), ტულალანი, ობადი, როდრიგესი (ოკამპოსი 46), ფერეირა, მოუტინიო, რაჯი, ფალკაო

მწვრთნელი: კლაუდიო რანიერი

ტოტენჰემი: ლორისი, უოლკერი (სტიუარტი 88), ფრაიერსი, ლივერმორი, როუზი (ნოგტონი 66), დემბელოე (ჰადლსტოუნი 76), პარკერი (ბენტალები 88), ლენონი (კეროლი 80), ჩადლი (თაუნსენდი 62), სიგურდსონი, დეფო (კეინი 9)

მწვრთნელი: ანდრე ვილაშ-ბოაში

გოლები: 1:0 რაჯი (14), 2:0 ოკამპოსი (47), 3:0 ფალკაო (49), 3:1 კეინი (57), 4:1 ფალკაო (65), 5:1 ობადი (71), 5:2 თაუნსენდი (85)