“მონაკოს” ვიცე-პრეზიდენტმა, ვადიმ ვასილიევმა დაადასტურა, რომ მისმა კლუბმა იტალიელ სპეციალისტთან, კლაუდიო რანიერისთან განშორება გადაწყვიტა.

“შემიძლია დაგიდასტუროთ, რომ რანიერი “მონაკოს” ტოვებს. ჩვენ მასთან განშორება გადავწყვიტეთ.

ახალი მწვრთნელის ვინაობას ჯერ ვერ გეტყვით, რადგან ყველა დეტალი გადაწყვეტილი ჯერ არაა.

ვეძებთ შემტევი სტილის მქონე მწვრთნელს, რომელსაც ჩვენი გულშემატკივრებისთვის კარგი შოუს ჩვენება შეუძლია.” – ციტირებს ვასილიევის სიტყვებს “მონაკოს” ოფიციალური Twitter-ი.

კლაუდიო რანიერი “მონაკოს” 2 წლის განმავლობაში წვრთნიდა. მან გუნდი ლიგა ერთში გადაიყვანა, სადაც მე-2 ადგილი დააკავებინა.