საფრანგეთის ფეხბურთის ფედერაციეს სააპელაციო კომიტეტმა მიიღო გადაწყვეტილება, რომ საფრანგეთის პროფესიული ლიგის გადაწყვეტილება გაეუქმებინა და ლიგა 1-ში აღზევებული “მონაკოსთვის” ჩამორთმეული 2 ქულა დაებრუნებინა.

ქულების ჩამორთმევის მიზეზი მონაკოელთა გულშემატკივრების საქციელი გახდა. ჯერ კიდევ გასული სეზონის მიწურულს, მეორე ლიგის ბოლოსწინა ტურში “ლე მანთან” 2:1 მოგებული შეხვედრის შემდეგ, ისინი მოედანზე შეიჭრნენ და მთავარ მსაჯს შეუტიეს.

კლუბის ხელმძღვანელობა სასჯელს არ დაეთანხმა და ის გაასაჩივრა, რამაც საბოლოო ჯამში შედეგი გამოიღო. მიუხედავად ამისა, Lequipe-ს ინფორმაციით, სასჯელის მეორე პუნქტი ძალაში დარჩა და “მონაკო” ერთ საშინაო შეხვედრას გულშემატკივრების გარეშე, ცარიელი ტრიბუნების წინაშე ჩაატარებს.