მადრიდის “რეალის” ვარსკვლავმა კრიშტიანუ რონალდუმ “მონაკოსგან” ერთობ მომხიბვლელი წინადადება მიიღო – SoyMadridista-ს ცნობით, საფრანგეთის უმაღლეს დივიზიონში დაბრუნებული კლუბი 28 წლის პორტუგალიელს წლიური ხელფასის სახით 23 მილიონ ევროს სთავაზობს.

ამგვარად, თუკი რონალდუ “მონაკოს” დათანხმდება, მისი ჯამაგირი თითქმის 2-ჯერ გაიზრდება და მსოფლიოს ყველაზე მაღალანაზღაურებადი ფეხბურთელიც გახდება. გარდა ამისა, პორტუგალიელი თავის იმიჯს 100%-ით თვითონ გააკონტროლებს. აქვე გეტყვით, რომ “რეალში”, რონალდუ საიმიჯო უფლებების მხოლოდ 60%-ს ფლობს.

თავის მხრივ, “სამეფო კლუბი” თავდამსხმელს კონტრაქტის 2018 წლამდე გახანგრძლივებას სთავაზობს და ხელფასის სახით 14 მილიონ ევროს ჰპირდება.