“მანჩესტერ იუნაიტედის” თავკაცმა დევიდ მოიესმა დენი უელბეკი, ეშლი იანგი და ტომ კლევერლი დასაჯა. ამის შესახებ ბრიტანული მედია იუწყება.

საქმე ისაა, რომ ინგლისელი ფეხბურთელების ტრიო მიუნხენის “ბაიერნთან” უეფას ჩემპიონთა ლიგის 1/4-ფინალიდან გამოვარდნის შემდეგ მანჩესტერის ერთ-ერთ ქუჩაში ცეკვავდა და ერთობოდა. ცხადია, “წითელი ეშმაკების” დამრიგებელს ფეხბურთელთა ასეთი ქცევა არ მოეწონა.

ამის გამო, მოიესმა სამივე მათგანს დამატებითი ვარჯიშები დაუნიშნა და მკაცრად უსაყვედურა.