საკალათბურთო სუპერლიგის ერთ-ერთი საუკეთესო გუნდის, “რუსთავის” ერთ-ერთი ლიდერი, ფორვარდი მიხეილ ჭოჭუა (10.04.87, 193 სმ, 90 კგ) საოპერაციოა. მას მუხლის ძველი ტრავმა გაუმიზეზდა და ოპერაციას 21 მარტს გაიკეთებს. აღნიშნულიდან გამომდინარე, ჭოჭუა ქვემოქართლელებს მინიმუმ ერთი თვის განმავლობაში ვერ დაეხმარება.
ამის შესახებ “მსოფლიო სპორტს” “რუსთავის” პრესსამსახურის უფროსმა ნათია ჯიოშვილმა განუცხადა.
შეგახსენებთ, რომ ჭოჭუამ ზურაბ საკანდელიძე-მიხეილ ქორქიას მემორიალის ფინალში მუხლი დაიზიანა, რომელიც XXII ეროვნული ჩემპიონატის მეორე წრეში “დინამოსთან” შეხვედრისას კვლავ გაუმიზეზდა და პარკეტზე გასვლა ვეღარ შეძლო.
