“სამპდორიას” მთავარი მწვრთნელი სინიშა მიხაილოვიჩი კლუბთან თანამშრომლობას აგრძელებს. იტალიური სპორტული გამოცემების ცნობით, სერბი სპეციალისტი ტურინის “იუვენტუსში” ანტონიო კონტეს შემცვლელ ერთ-ერთ უმთავრეს კანდიდატად მიიჩნეოდა და თავადაც თანახმა იყო, გენუა დაეტოვებინა, მაგრამ მას შემდეგ, რაც კონტემ “ბებერ ქალბატონთან” კონტრაქტი გაახანგრძლივა, გადაწყდა, რომ მიხაილოვიჩი მომავალ სეზონშიც “სამპდორიას” თავკაცი იქნება.

სინიშა მიხაილოვიჩმა “სამპდორია” შარშან შემოდგომაზე ჩაიბარა და სერია A-ში ადგილი შეანარჩუნებინა.