“ფრაიბურგის” ნახევარმცველი მაქს კრუზე მომდევნო სეზონიდან მიონხენგლადბახის “ბორუსიაში” ითამაშებს.
25 წლის ფეხბურთელმა “ბორუსიასთან” 4-წლიანი კონტრაქტი გააფორმა. მიმდინარე სეზონში, კრუზე 9 გატანილი გოლით “ფრაიბურგის” საუკეთესო ბომბარდირია.
“ძალიან გვიხარია, რომ მაქს კრუზე შემოგვიერთდება. ის სწრაფი და ნიჭიერი ფეხბურთელია, რომელსაც ჩვენი შეტევის ხაზში თამაში რამდენიმე პოზიციაზე შეუძლია” – იუწყება მაქს ებერლის სიტყვებს “ბორუსიას” ოფიციალური ვებგვერდი.
