მარიო ბალოტელის აგენტი მინო რაიოლა მისი კლიენტის ლონდონის “ჩელსიში” გადასვლას არ გამორიცხავს.
“ბალოტელისა და ჟოზე მოურინიოს კვლავ ერთად მუშაობა შესაძლებელია, რადგან ისინი ერთმანეთს კარგად იცნობენ და მეგობრობენ კიდეც.
ბალოტელის “ჩელსიში” გადასვლა რეალურია, რადგან ის შესანიშნავი თავდამსხმელია. თუმცა, ამ ტრანსფერის განხორციელება გალიანის არ სურს.” – აცხადებს რაიოლა.
მოგვიანებით, აღნიშნულ საკითხთან დაკავშირებით კომენტარი მასიმილიანო ალეგრიმაც გააკეთა: “ბალოტელის წასვლასთან დაკავშირებით არ ვღელავ. ის “მილანის” ფეხბურთელია, რომელიც, ამჟამად, ცუდ ფორმაშია, მაგრამ მსგავსი რამ ხდება ხოლმე.”
შეგახსენებთ, რომ მარიო ბალოტელი და “ჩელსის” ამჟამინდელი მწვრთნელი ჟოზე მოურინიო ერთად მილანის “ინტერში” მუშაობდნენ.
