კალათბურთი

10:25 | 9.03.2014 | ნანახია 1966 - ჯერ

მილუოკელთა 50-ე მარცხი

ზაზა ფაჩულიას “მილუოკი ბაქსი” ეროვნული საკალათბურთო ასოციაციის (NBA) პირველი გუნდი გახდა, რომელმაც მიმდინარე სეზონში 50-ე მატჩი წააგო. ქართველი კალათბურთელის გუნდი ამჯერად “ვაშინგტონ უიზარდსს” დაუხვდა და 107:114 დამარცხდა.

აღსანიშნავია, რომ დედაქალაქელები მე-2 მეოთხედის მიწურულს 28 ქულით (!) იგებდნენ, თუმცა, გამარჯვების მიღწევა მაინც გაუჭირდათ. “ბაქსმა” თითქმის შეუძლებელი მოახერხა და საფინალო სირენამდე 02:13 წუთით ადრე, თურქი ერსან ილიასოვას საჯარიმოების შემდეგ, სხვაობა სამ ქულამდე დაიყვანა – 101:104.

საბოლოოდ, წარმატება მაინც “უიზარდსს” დარჩა, რომელმაც ბოლო 9 მატჩიდან მე-8 მოიგო, გუნდის ლიდერმა ტრევორ არიზამ კი 28 ქულა და 7 მოხსნა მიითვალა.

ფაჩულია სასტარტო ხუთეულში იყო და 29 წუთში 6 ქულა, 4 მოხსნა, 3 პასი და 2 ჩაჭრა მიითვალა. საქართველოს ნაკრების კაპიტანმა 7-დან 2 ორქულიანი და 2-ვე საჯარიმო ჩააგდო, ბურთი ერთხელ დაკარგა და 1 პერსონალური ფოლი მიიღო. აქვე ვთქვათ, რომ ზაზას პოლონელმა ვიზავიმ მარჩინ გორტატმა ვაშინგტონელებს 31 წუთში 11 ქულა და 6 მოხსნა შესძინა.

“ბაქსის” რიგებში საუკეთესო ბრენდონ ნაიტი იყო 25 ქულით, 10-ქულიან ზღვარს კი კიდევ ხუთმა კალათბურთელმა უწია – კრის მიდლტონი (15), რამონ სეშნსი (14), ერსან ილიასოვა (13), ჯონ ჰენსონი (12), ნეტ ვოლტერსი (10).

როგორც აღვნიშნეთ, “მილუოკიმ” 12 მოგების წილ 50-ე მარცხი განიცადა და კვლავაც ლიგის უარეს გუნდად რჩება. “ბაქსი” მომდევნო შეხვედრას 11 მარტის დილას ფაჩულიას ერთ-ერთ ყოფილ კლუბ “ორლანდო მეჯიქთან” ჩაატარებს.


კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

16:31 | 09.03.2014
jeko. (65)

stripslashes((strlen('http://www.palitratv.ge/akhali-ambebi/sporti/42524-qarthveli-kikboqsiori-davith-qiria-prestizhuli-glory-is-msoflio-chempioni-gakhda.html')>0?'http://www.palitratv.ge/akhali-ambebi/sporti/42524-qarthveli-kikboqsiori-davith-qiria-prestizhuli-glory-is-msoflio-chempioni-gakhda.html':'http://www.palitratv.ge/akhali-ambebi/sporti/42524-qarthveli-kikboqsiori-davith-qiria-prestizhuli-glory-is-msoflio-chempioni-gakhda.html'))
დავით ქირიამ მოიგო ერთერთი პრესტიჟული ტურნირის ფინალი.. უბრალოდ, "პალიტრატვ" რატო უნდა ასწრებდეს ესეთი ინფორმაციის მოპოვებას და გავრცელებას სპორტულ საიტებს ვერ ვხვდები.. ვულოცაავ..მაგარი მებრძოლი ბიჭია და ცოტა მხარი დავუჭიროთ ამ კუთხით მაინც

15:48 | 09.03.2014
sabonis (9584)

უფრო პროდუქტიულად უნდა იყენებდეს ზაზა ამდენ დროს. იმედია მალე ასეც იქნება.

10:48 | 09.03.2014
FC.BAYERN+GERMANY (10046)

მილუოკი კიარა საქართველოს ნაკრებია ფეხბურთში

0.128095