“მილანის” ყოფილი ნახევარმცველი კრისტიან ბროკი “როსონერის” ახალგაზრდული გუნდის მთავარი მწვრთნელი გახდა.

მას შემდეგ, რაც ფილიპო ინძაგიმ “მილანის” პირველი გუნდი ჩაიბარა, “პრიმავერა” უმწვრთნელოდ დარჩა, მაგრამ ეს მდგომარეობა დიდხანს არ გაგრძელებულა – მილანელთა ახალგაზრდული გუნდი სამწვრთნელო გამოცდილების არმქონე ბროკის ანდეს.

კრისტიან ბროკი “მილანში” 2001-2008 წლებში თამაშობდა. ამ დროის განმავლობაში, მან 135 მატჩი ჩაატარა და 6 გოლი გაიტანა.