იტალიური “მილანი” დავიდე სანტონის ტრანსფერთან დაკავშირებით მოლაპარაკებებს ინგლისურ “ნიუკასლთან” აწარმოებს. Tuttomercatoweb-ის ინფორმაციით, “როსონერი” 22 წლის მცველში 7 მილიონი ევროს გადასახდელად მზადაა.
არაოფიციალური ინფორმაციით, “ნიუკასლი” ახალგაზრდა იტალიელის სანაცვლოდ 10 მილიონ ევროს ითხოვს. “მილანს” ტრანსფერის დასრულება ზაფხულის სატრანსფერო სეზონის პირველსავე დღეებში სურს.
შეგახსენებთ, რომ 2008-2011 წლებში, სანტონი მილანის “ინტერის” ღირსებას იცავდა და სწორედ აქედან გადაბარგდა “ნიუკასლში”.
