შესაძლოა, ფლორენციის “ფიორენტინას” ნახევარმცველი ადემ ლიაიჩი “მილანის” ფეხბურთელი გახდეს. Sky Sport Italia-ს ცნობით, “როსონერი” 21 წლის სერბის შეძენით სერიოზულადაა დაინტერესებული.
საგულისხმოა, რომ ლიაიჩს ფლორენციელებთან კონტრაქტი 2014 წლის ივნისში ეწურება და სადღეისოდ, მის გახანგრძლივებაზე საუბარი არაა. სავსებით შესაძლებელია, “ფიორენტინამ” ნახევარმცველის გაყიდვა ზაფხულშივე მოისურვოს. სერბის ტრანსფერი 9 მილიონ ევროდაა შეფასებული.
ცნობისათვის, ლიაიჩმა მიმდინარე სეზონში 27 მატჩი ჩაატარა და 8 გოლი მიითვალა.
