იტალიური “მილანი” მადრიდის “რეალის” საყრდენი ნახევარმცველის, ჩაბი ალონსოს შეძენითაა დაინტერესებული.

ჩაბი ალონსოს “რეალთან” კონტრაქტი მომდევნო სეზონის ბოლომდე აკავშირებს. როგორც ცნობილია, 31 წლის ფეხბურთელი დარწმუნებული არაა, რომ “სამეფო კლუბთან” ხელშეკრულებას გაახანგრძლივებს. აქედან გამომდინარე, გამორიცხული არაა, რომ მადრიდელები ბასკ შუახაზელს უახლოესი სატრანსფერო ფანჯრის დროს შეელიონ.

Goal-ის ცნობით, ჩაბი ალონსოს გარშემო შექმნილ სიტუაციას თვალს ყურადღებით ადევნებს “მილანი”, რომელიც მზადაა “რეალს” ფეხბურთელში 15 მილიონი ევრო გადაუხადოს.