ქართველი ჩოგბურთელი ალექსანდრე მეტრეველი ყაზახეთის ქალაქ შიმკენტში მიმდინარე საერთაშორისო ტურნირს (საპრიზო ფონდი 10 ათასი დოლარი) გამოეთიშა.

მეოთხედფინალურ ეტაპზე მეტრეველი მე-5 ნომრად განთესილ სლოვაკ ფილიპ ჰორანსკის დაუპირისპირდა და 1:6, 3:5-ს აგებდა, როდესაც თამაშის გაგრძელებაზე უარი განაცხადა.

შეგახსენებთ, რომ მეტრეველი და ჰორანსკი ერთმანეთს გასულ კვირაში შიმკენტის ტურნირისვე ფინალში გაეჯიბრნენ და მაშინ, ქართველმა იოლად იმარჯვა – 6:4, 6:3.