“ბარსელონას” არგენტინელი შემტევი ლიონელ მესი ესპანეთის ჩემპიონატის მომდევნო შეხვედრას გამოტოვებს, ხოლო ჩემპიონთა ლიგის 1/4-ფინალის განმეორებით მატჩში მისი თამაში კითხვის ნიშნის ქვეშ დგას.

მესიმ ტრავმა პარიზში, ადგილობრივ გუნდთან გამართული შეხვედრის პირველ ტაიმში მიიღო. შესვენებაზე, როდესაც არგენტინელს გოლი უკვე გატანილი ჰქონდა, ის სესკ ფაბრეგასმა შეცვალა.

თავდაპირველი პროგნოზი არცთუ სახარბიელო იყო – მესის 3 კვირით უქმობას უწინასწარმეტყველებდნენ. თუმცა, მოლოდინი არ გამართლდა და დანამდვილებით მხოლოდ იმის თქმა შეიძლება, რომ არგენტინელი “მალიორკასთან” თამაშს გამოტოვებს. “ბარსას” ოფიციალური ვებგვერდის ცნობით, მსოფლიოს საუკეთესო ფეხბურთელის პსჟ-სთან გამოჩენა მისი მკურნალობის პროგრესზე იქნება დამოკიდებული.