მსოფლიოს ოთხგზის საუკეთესო ფეხბურთელმა, ლიონელ მესიმ, დღეს, გუნდთან ერთად ივარჯიშა, რაც ჩემპიონთა ლიგის 1/4-ფინალში, პსჟ-სთან მისი თამაშის შანსს მნიშვნელოვნად ზრდის.
როგორც იცით, ერთი კვირის წინათ, მესიმ ტრავმა სწორედ პსჟ-სთან გამართულ დაპირისპირებაში მიიღო. მას შემდეგ უცნობია, მოახერხებს თუ არა არგენტინელი განმეორებით თამაშში მონაწილეობის მიღებას.
“ბარსელონას” ოფიციალური ვებგვერდის ცნობით, მესიმ გუნდთან ერთად ვარჯიშის ჩატარება მოახერხა, ხოლო ხორდი როურამ პრესკონფერენციაზე განაცხადა, რომ მისი გამოჯანმრთელების პროცესი კარგად მიმდინარეობს.
გუნდთან ერთად ივარჯიშეს ადრიანომ და პედრომაც, რომლებსაც პსჟ-სთან თამაშის უფლება ექიმებისგან ჯერ არ მიუღიათ.
