არგენტინის ეროვნული ნაკრების და კატალონიის "ბარსელონას" თავდამსხმელმა ლიონელ მესიმ განაცხადა, რომ სანამ მსოფლიო ჩემპიონატს ვერ მოიგებს, მანამდე ყველა დროის საუკეთესო ფეხბურთელად არ უნდა ჩაითვალოს.

"მარადონასთან შედარება მშვენიერი კომპლიმენტია, მაგრამ ამ ფაქტს ჯერ არ ვეთანხმები. მან ეროვნული ნაკრებისთვის ბევრი გააკეთა და ვფიქრობ ნებისმიერი ფეხბურთელი დიდებულად არ უნდა ჩავთვალოთ, სანამ მსოფლიო ჩემპიონი არ გახდება. ვიმედოვნებ, ამ ზაფხულს მაინც მივაღწევ მიზანს." _ განაცხადა მესიმ.

დიეგო მარადონა მუნდიალის გამარჯვებული 1986 წელს 25 წლის ასაკში გახდა. ლიონელ მესი კი 27 წლისაა.

არგენტინელმა თავდამსხმელმა "ბარსელონაში 424 მატჩი ჩაატარა და 354 გოლი გაიტანა. ამავდროულად მესიმ კატალონიურ კლუბთან ერთად 21 ტიტული მოიგო. ლიონელ მესი თვლის, რომ კარიერის დასრულების შემდეგ უნდა შეფასდეს მისი ღვაწლი.

გიორგი ბალახაძე