“ბარსელონას” ლიდერმა ლიონელ მესიმ ერთ-ერთი ესპანური სპორტული გამოცემისთვის მიცემულ ინტერვიუში ექსბარსელონელ რონალდინიოს მადლობა გადაუხადა. არგენტინელმა შემტევმა აღნიშნა, რომ კატალონიურ კლუბში დამკვიდრებაში მას ბრაზილიის ნაკრების ყოფილი ლიდერი დაეხმარა.
“მადლობა რონალდინიოს ჩემდამი დამოკიდებულების გამო. ის გუნდის სული და გული იყო და მისგან ძალიან ბევრი რამ ვისწავლე. რონალდინიოს მხარდაჭერა უდიდესი სტიმული იყო ჩემთვის. ბრწყინვალე ადამიანი და უძლიერესი ფეხბურთელია”, – განაცხადა მესიმ.
