მსოფლიოს ბოლო 4 წლის საუკეთესო ფეხბურთელი ლიონელ მესი გუნდის დახმარებას უახლოესი 2-3 კვირის განმავლობაში ვერ მოახერხებს. ამის მიზეზი “ალმერიასთან” გამართულ მატჩში მიღებული ტრავმაა.

შაბათს გამართული შეხვედრის 21-ე წუთზე, მესიმ ტრავმა საგოლე დარტყმის განხორციელების დროს მიიღო. როგორც გაირკვა, არგენტინელს მარჯვენა ბარძაყის კუნთი აქვს დაზიანებული.

“ბარსელონას” ოფიციალური ვებგვერდის ცნობით, “სელტიკთან” და “ვალიადოლიდთან” მესის თამაში გამორიცხულია. შესაძლოა, მან ვერც “ოსასუნასთან” ითამაშოს.