თბილისის წყალბურთელთა ახალგაზრდული ნაკრები (1993–1994 წ.წ.) ქალაქ დნეპროძერჟინსკში იმყოფება და იუნიორთა შორის უკრაინის ღია ჩემპიონატის II ტურში პირველი შეხვედრაც ჩაატარა.
რევაზ ჩომახიძის შეგირდები მარიუპოლის “ილიჩევეცს” ორი პერიოდის შემდეგ 2:0-ს უგებდნენ, თუმცა, უპირატესობა ვერ შეინარჩუნეს და ყაიმს (4:4) დასჯერდნენ.
ქართველი წყალბურთელები უკრაინაში კიდევ ოთხ მატჩს გამართავენ. ჩვენებურთა მეტოქეები “ოდესა”, “დნეპრი”, “ლვოვი” და “კიშინიოვი” იქნებიან.