26-ე ეროვნული ნელ-ნელა ეშხში შევა. ჯერჯერობით კი სეზონის დასაწყისია და გუნდები უფრო დაკომპლექტებით და შეთამაშებით არიან დაკავებული, ვიდრე რაიმე სატურნირო ამოცანებით. პირველმა ტურმა ცხადჰყო, რომ ნებისმიერმა შეიძლება ნებისმიერი დაამარცხოს. აბა, რა ვთქვათ, როცა ლამის დაშლილმა “მეტალურგმა” ფინანსურად მეტ-ნაკლებად სტაბილურ ბათუმის “დინამოს” მოუგო, ხოლო “მშიერმა” ტორპედომ უცხოეთშეკრებაგავლილ “კოლხეთს”?
ამასობაში, ფეხბურთელები სამუშაო ადგილებს იცვლიან, გუნდიდან გუნდში გადადიან და ასე იქნება 31 აგვისტომდე, სანამ სატრანსფერო ფანჯარა არ დაიხურება. პირველი ტურის შემდეგ კიდევ რამდენიმე საინტრესო “გადასვლა” ვიხილეთ. მაგალითად, “ზესტაფონი” ორმა ფეხბურთელმა - ოთარ ხიზანეიშვილმა და დავით რაჟამაშვილმა დატოვა. ხიზანეიშვილი სავარაუდოდ “სიონში” გადავა, რაჟამაშვილი კი - “სასკოში.”
“ჩიხურას” მეკარე გიორგი სომხიშვილი კარიერას გორის “დილაში” გააგრძელებს, თბილისის დინამოელი დათო კვირკველია “სამტრედიაში,” ხოლო მარტვილელი ალექსანდრე კოშკაძე - “გურიაში.” სამივე ეს ფეხბუთელი ძალიან გამოცდილია: სომხიშვილი 33 წლისაა, კვირკველია - 34-ის, კოშკაძე კი 32-ის.
იყო კიდევ ერთი სასიამოვნო ტრანსფერი - 19 წლის შემტევი, საქრთველოს 17 და 19 წლამდელთა ნაკრებების ერთ-ერთი ლიდერი, დავით ჯიქია “დინამოს” ფეხბურთელი გახდა. “დინამო” ვახსენეთ და ალბათ, კვირას საინტერესო იქნება მათი შეხვედრა
თბილისში “სიონთან.” შეგახსენებთ, გაზაფხულზე ბოლნისელებმა თბილისში ორივე
შეხვედრა მოუგეს “დინამოს”.
II ტური
სპარტაკი (ცხინვალი) – მერანი (მარტვილი)
15 აგვისტო. თბილისი. “მიხეილ მესხი.” სათადარიგო მოედანი. 17:30
მსაჯები: გ. ყრუაშვილი, ზ. მენთეშაშვილი, დ. გაბისონია, ა. ბასლეჰლო (სათადარიგო)
ტორპედო (ქუთაისი) – დილა (გორი)
15 აგვისტო. ქუთაისი. ცენტრალური. 17:30
მსაჯები: გ. ვადაჭკორია, ზ. ფიფია, ს. სპიცინი, გ. ავაზაშვილი (სათადარიგო)
დინამო (ბათუმი) – კოლხეთი (ფოთი)
15 აგვისტო. ქობულეთი. “ჩელე არენა.” 17:30
მსაჯები: ხ. გაგნიძე, გ.ჩიგოგიძე, მ. კუპატაძე, დ. სანოძე (სათადარიგო)
გურია (ლანჩხუთი) – შუქურა (ქობულეთი)
15 აგვისტო. ლანჩხუთი. “ევგრაფი შევარდნაძე.” 17:30
მსაჯები: ა. ნონიკაშვილი, ი. უკლება, ა. ჟივიძე, დ. ხარიტონაშვილი
ჩიხურა (საჩხერე) – ზესტაფონი
16 აგვისტო. ივანწმინდა. ცენტრალური. 17:00
მსაჯები: თ. გვანცელაძე, დ. ჩიგოგიძე, ი. მაჩიტიზე, ჯ. ხორავა, გ. კიკაჩეიშვილი, ო. ხეცაძე (სათადარიგო)
ზუგდიდი – მეტალურგი (რუსთავი)
16 აგვისტო. ქუთაისი. ცენტრალური. 17:30
დისკვალიფიცირებულები: ლაშა ღონღაძე, დავით ლომაია (ორივე – ზუგდიდი)
მსაჯები: თ. ხუჭუა, გ. ელიკაშვილი, ი. კაკაბაძე, გ. დოგრაშვილი (სათადარიგო)
სამტრედია – ვიტ ჯორჯია (თბილისი)
16 აგვისტო. სამტრედია. “ეროსი მანჯგალაძე.” 17:30
დისკვალიფიცირებული: დანტე ჩალიგავა (ვიტ ჯორჯია)
მსაჯები: ლ. სილაგავა, ბ. ჭიჭინაძე, ზ. ბერულავა, ი. კვიკაშვილი (სათადარიგო)
დინამო (თბილისი) – სიონი (ბოლნისი)
17 აგვისტო. თბილისი. “დინამო არენა.” 19:00
დისკვალიფიცირებულები: ჯაბა უგულავა, ზვიად ლობჯანიძე (ორივე – სიონი)
მსაჯები: ბ. ნინუა, ლ. ვარამიშვილი, ა. კოკაია, მ. ბეუქლიშვილი (სათადრიგო)
| გუნდი | თ | მ | ფ | წ | გგ | მგ | +/- | ქ | |
|---|---|---|---|---|---|---|---|---|---|
| ზესტაფონი (ზესტაფონი) | 1 | 1 | 0 | 0 | 6 | 0 | 6 | 3 | |
| ტორპედო (ქუთაისი) | 1 | 1 | 0 | 0 | 3 | 0 | 3 | 3 | |
| დილა (გორი) | 1 | 1 | 0 | 0 | 2 | 0 | 2 | 3 | |
| დინამო (თბილისი) | 1 | 1 | 0 | 0 | 2 | 0 | 2 | 3 | |
| ვიტ-ჯორჯია (თბილისი) | 1 | 1 | 0 | 0 | 2 | 0 | 2 | 3 | |
| შუქურა (ქობულეთი) | 1 | 1 | 0 | 0 | 2 | 1 | 1 | 3 | |
| მეტალურგი (რუსთავი) | 1 | 1 | 0 | 0 | 2 | 1 | 1 | 3 | |
| სიონი (ბოლნისი) | 1 | 1 | 0 | 0 | 1 | 0 | 1 | 3 | |
| დინამო (ბათუმი) | 1 | 0 | 0 | 1 | 1 | 2 | -1 | 0 | |
| ზუგდიდი (ზუგდიდი) | 1 | 0 | 0 | 1 | 1 | 2 | -1 | 0 | |
| ჩიხურა (საჩხერე) | 1 | 0 | 0 | 1 | 0 | 1 | -1 | 0 | |
| სპარტაკი (ცხინვალი) | 1 | 0 | 0 | 1 | 0 | 2 | -2 | 0 | |
| სამტრედია (სამტრედია) | 1 | 0 | 0 | 1 | 0 | 2 | -2 | 0 | |
| მერანი (მარტვილი) | 1 | 0 | 0 | 1 | 0 | 2 | -2 | 0 | |
| კოლხეთი (ფოთი) | 1 | 0 | 0 | 1 | 0 | 3 | -3 | 0 | |
| გურია (ლანჩხუთი) | 1 | 0 | 0 | 1 | 0 | 6 | -6 | 0 |
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია