იტალიის სერია B-ს ერთ-ერთი ლიდერის “ემპოლის” თავდამსხმელი ლევან მჭედლიძე დაახლოებით თვენახევარი ვერ ითამაშებს.
ქართველი ფეხბურთელი ვარჯიშის დროს დაშავდა და ამის გამო, საქართველოს ეროვნულ ნაკრებშიც ვერ ითამაშებს 5 მარტს თბილისში ლიხტენშტეინთან გასამართ ამხანაგურ მატჩში.
ამ ფონზე, მჭედლიძისთვის ბოლო დღეებში ფრიად სასიხარულო ამბავიც მოხდა. კერძოდ, 26 თებერვალს, მის მეუღლეს ხატიას მეორე გოგონა შეეძინა, რომელსაც სოფიო დაარქვეს. “მსოფლიო სპორტის” რედაქცია ულოცავს მჭედლიძეების ოჯახს და ახალშობილს ჯანმრთელობას უსურვებს.
