იტალიის საფეხბურთო სერია A-ში მოასპარეზე “ემპოლის” ორივე ქართველი ლეგიონერი, ლევან მჭედლიძე და ირაკლი შეყილაძე გამოჯანმრთელდნენ.

“კორიერე დელო სპორტის” ინფორმაციით, ქართველი თავდამსხმელები გუნდთან ერთად სრული დატვირთვით ვარჯიშობენ და “კიევოსთან” სტუმრად გასამართი მატჩისთვის ემზადებიან.

მჭედლიძემ ვარჯიშზე მიღებული ტრავმის გამო, “ჩეზენასთან” და “მილანთან” შეხვედრები გამოტოვა. რაც შეეხება შეყილაძეს, ეს უკანასკნელი დიდი ხნის განმავლობაში მკურნალობდა და ამიტომ, მიმდინარე სეზონში “ემპოლის” სამატჩო განაცხადში არ მოხვედრილა.