წარსულში ცნობილი იტალიელი მცველი მარკო მატერაცი ესპანელი სპეციალისტის, რაფაელ ბენიტესის გაკრიტიკების შანსს ხელიდან არ უშვებს. ამჯერად, მატერაციმ ბენიტესს “ნაპოლის” ძირითადი შემადგენლობიდან პაოლო კანავაროს ამოგდების გადაწყვეტილება დაუწუნა.
“შეცდომაა, ასე უცბად გადაწყვიტო, რომ პაოლო კანავარო ძირითად შემადგენლობაში ადგილს არ იმსახურებს, რადგან ამ ფეხბურთელმა “ნაპოლისთვის” ბევრი რამ გააკეთა. პაოლოს არანაკლები შეუძლია, ვიდრე მის პოზიციაზე მოთამაშე სხვა ფეხბურთელებს.
ბენიტესი ხშირად იგებს, მაგრამ ის ზედმეტად თავდაჯერებულია.
“ნაპოლიმ” ბევრი ფეხბურთელი იყიდა და დიდი ფული დახარჯა. გუნდს უფრო ძლიერი შემადგენლობა ჰაყვს, ვიდრე გასულ სეზონში, ასე რომ, მიზანიც უფრო დიდი უნდა იყოს.” – ციტირებს მატერაცის სიტყვებს Goal-ი.
რაფაელ ბენიტესსა და მარკო მატერაცის ერთმანეთთან კონფლიქტი მას შემდეგ აქვთ, რაც ისინი ერთად მილანის “ინტერში” მუშაობდნენ.
