კატალონიის “ბარსელონას” უკანახაზელი ხავიერ მასკერანო ზაფხულის სატრანსფერო სეზონში კლუბის შესაცვლელად მზადაა. ამის შესახებ არგენტინელმა ესპანურ მედიასთან საუბრისას განაცხადა.
“თუკი კლუბს ასე სურს, პრობლემა არაა, წავალ. “ბარსელონაში” რამდენიმე ბრწყინვალე სეზონი გავატარე და არაფერს ვნანობ”, - განაცხადა არგენტინელმა თავის უკანასკნელ ინტერვიუში.
რამდენადაც ცნობილია, მასკერანოს შეძენა იტალიურ “ნაპოლის” სურს. ნეაპოლელთა თავკაცი რაფაელ ბენიტესი არგენტინელს “ლივერპულში” მუშაობით კარგად იცნობს და ყოფილი შეგირდის გადაბირებით დიდი ხანია დაინტერესებულია.
