კატალონიის "ბარსელონას" მთავარი მწვრთნელის ხერარდო(ტატა) მარტინოს განცხადებით, ანდრეს ინიესტა კლუბის სიმბოლოა და იმედოვნებს, რომ ესპანელი "ბლაუგრანასთან" ახალ კონტრაქტს მალე გააფორმებს.
"ყველა გუნდში არიან ფეხბურთელები, რომლებიც კლუბის სახეს წარმოადგენენ. ინიესტა "ბარსელონას" სიმბოლოა. ვფიქრობ, ლოგიკური იქნება ესპანელმა კლუბთან კონტრაქტი გაახანგრძლივოს. ძალიან გვინდა ინიესტა ჩვენთან დარჩეს" _ განაცხადა პრესკონფერენციაზე მარტინომ.
ანდრეს ინიესტას "ბარსელონასთან" კონტრაქტი 2015 წლამდე აკავშირებს.
გიორგი ბალახაძე
