იტალიის ეროვნული ნაკრების თავდამსხმელი მარიო ბალოტელი ტრავმირებულია და ჯერჯერობით უცნობია, მოასწრებს თუ არა ის მსოფლიოს ჩემპიონატის პირველ მატჩამდე გამოჯანმრთელებას.
იტალიის ნაკრების ექიმის თქმით, ბალოტელი ნაკრებს ტრავმირებული შეუერთდა. მას ფეხის ერთ-ერთი კუნთი აქვს დაზიანებული, რაც, სავარაუდოდ, დიდი დატვირთვითაა გამოწვეული.
იტალია პირველ თამაშს 14 ივნისს, ინგლისის წინააღმდეგ გამართავს. იტალიური პრესის ცნობით, ჯერ კიდევ არაა ცნობილი, მოასწრებს თუ არა ბალოტელი ამ მატჩისთვის სრულად გამოჯანმრთელებას.
