მადრიდის “რეალის” მთავარი მწვრთნელი, კარლო ანჩელოტი ლა ლიგის მე-5 ტურში, ”ელჩესთან” გასამართ შეხვედრაში, თავის გამოჩენის საშუალებას კლუბის მეორე მეკარეს, კეილორ ნავასს მისცემს – იუწყება ესპანური Marca.

კოსტა-რიკელმა მეკარემ, ესპანეთის ჩემპიონატის წინა სეზონი უმაღლეს დონეზე ჩაატარა “ლევანტეს” რიგებში, რასაც მუნდიალზე დიდებული თამაში მოჰყვა. ამის შემდეგ, კეილორი “რეალმა” 10 მილიონ ევროდ შეიძინა, მაგრამ თავის გამოჩენის შანსი ჯერ არ მისცემია. ამას ისიც ემატება, რომ იკერ კასილასის მდგომარეობა “რეალში” არამყარია და “სანტიაგო ბერნაბეუს” პუბლიკის ერთი ნაწილი ბოლო თამაშებია მას უსტვენს.

“რეალისა” და “ელჩეს” შეხვედრა სამშაბათს 22:00 საათზე გაიმართება.

ირაკლი ალიმბარაშვილი