მიუნხენის “ბაიერნის” ფორვარდი მარიო მანჯუკიჩი ტურინის “იუვენტუსში” გადაბარგებას არ გეგმავს. ამის შესახებ ხორვატის აგენტმა ივან ცვეტკოვიჩმა განუცხადა იტალიურ მედიას.
“მანჯუკიჩი 100%-ით “ბაიერნზეა” კონცენტრირებული და ჩემპიონთა ლიგის კიდევ ერთხელ მოგება სურს. გვარდიოლას მარიოზე კარგი წარმოდგენა აქვს, რაც სეზონის პირველ ნახევარშიც ნათლად ისახება. ხაზგასმით ვამბობ: მანჯუკიჩს “ბაიერნთან” კონტრაქტი კიდევ 2 წლით აკავშირებს და “იუვენტუსში” გადასვლას არ გეგმავს”, - განაცხადა თავდამსხმელის აგენტმა.
ხმები მანჯუკიჩის “იუვენტუსში” გადასვლასთან დაკავშირებით მას შემდეგ გავრცელდა, რაც “დორტმუნდის” ფორვარდმა რობერტ ლევანდოვსკიმ სეზონის ბოლოს “ბაიერნში” გადასვლა გადაწყვიტა.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია