ინგლისური “მანჩესტერ იუნაიტედი” პორტუგალიური “პორტუს” ნახევარმცველის – ხამეს როდრიგესის შეძენით სერიოზულადაა დაინტერესებული. Daily Mail-ის ცნობით, “წითელი ეშმაკების” აგენტები 21 წლის კოლუმბიელის სანახავად “პორტუსა” და “რიუ ავეს” მატჩს დაესწრნენ.
ამ შეხვედრაში როდრიგესი მოედანზე 46-ე წუთზე გამოჩნდა და საგოლე პასით გამოირჩა. “დრაკონებმა” “რიუ ავეს” 2:1 სძლიეს. აქვე გეტყვით, რომ პორტუგალიის ჩემპიონატის მიმდინარე სეზონში, კოლუმბიელმა 14 მატჩი ჩაატარა. მისი მონაგარი 7 გოლი და 7 საგოლე გადაცემაა.
ცნობისათვის, როდრიგესის კონტრაქტის გამოსასყიდი თანხა 36 მილიონი გირვანქა სტერლინგია.
