დიდი ალბათობით, მიუნხენის “ბაიერნის” ნახევარმცველი ტონი კროოსი მომდევნო სეზონიდან “მანჩესტერ იუნაიტედის” ღირსებას დაიცავს. ერთბაშად რამდენიმე ბრიტანული გამოცემა იუწყება იმის შესახებ, რომ “წითელმა ეშმაკებმა” გერმანელის თაობაზე მიუნხენელებთან შეთანხმებას მიაღწიეს.

როგორც ირკვევა, კლუბებს შორის მოლაპარაკებები უკანასკნელი 2 თვის განმავლობაში მიმდინარეობდა. კროოსის შეძენა “მანჩესტერის” ყოფილ მწვრთნელ დევიდ მოიესს სურდა და ფაქტია, რომ შოტლანდიელის აზრს ახლადდანიშნული თავკაცი ლუის ვან გაალიც იზიარებს.

შეგახსენებთ, რომ კროოსს “ბაიერნთან” კონტრაქტი 2015 წლის ზაფხულში ეწურება.